Հրապարակ: «Ժուչոկներ»՝ թաղման բյուրոյի տնօրենի աշխատասենյակում

«Հրապարակ» թերթը գրում է. «Վերջերս բավականին դրամատիկ իրադարձություններ են զարգացել Երեւանի «Բնակիչների հատուկ սպասարկում» ՀՈԱԿ-ի, ժողովրդական լեզվով՝ թաղման բյուրոյի տնօրեն Արման Իսկանդարյանի աշխատասենյակում, ուր վառված լուսամփոփը փոխելիս վերեւից վայր է ընկել «ժուչոկների» մի ամբողջ հավաքածու:

Իսկանդարյանն իմքայլական ակտիվիստներից է, տեւական ժամանակ ավագանու անդամ էր, հետո նշանակեցին թաղման բյուրոյի տնօրեն, սակայն վերջերս քաղաքապետի եւ նրա ջրերը սկսել էին նույն առվով չհոսել, ավելին, ըստ մեր տեղեկությունների, պահանջել էին, որ հրաժարական գրի.

«Ժուչո՞կ եք գտել Ձեր սենյակում՝ հարցրինք Իսկանդարյանին։ «Եկեք չպատասխանեմ այդ հարցին»: Մեր ձեռքի տակ ձեր «ժուչոկների» նկարն է: «Որտեղի՞ց ձեզ»։ Լրագրողներին նման հարցեր չեն տալիս։ «Ես էդ հարցին կպատասխանեմ բացասական».

Բա որ վաղը պարզվեց՝ լրագրողը ճի՞շտ էր։ «Դե որ պարզվեց՝ պարզվեց». Իսկ ինչո՞ւ են Ձեր եւ Մարությանի հարաբերությունները լարվել, ասում են՝ իրենց մարդուն են ցանկացել նշանակել, Ձեզ չեն վստահում, մանավան՝ կորոնավիրոսի սպասվող զարգացման ֆոնին։ «Իմ ու Մարությանի միջեւ որեւէ լարվածություն չկա».

Դուք պատգամավոր Նիկոլայ Բաղդասարյանի հետ ոլորտին առնչվող նոր նախագիծ եք պատրաստում, հնարավո՞ր է դա է պատճառը։ «Չի կարող, նախագիծը համաձայնեցնում ենք բոլորի հետ».