Forced to Withdraw from the Reconstruction Project of Yerevan's Children's Railway: Statement

«ՌԻԴ» ընկերությունը հայտնում է Երևանի մանկական երկաթուղու վերակառուցման ծրագրից հրաժարվելու իր որոշման մասին։

«Չնայած այս նախաձեռնությանը մեր նվիրվածությանը և ջանքերին, անցած 5 տարվա ընթացքում մենք այդպես էլ չկարողացանք ստանալ տեղական իշխանություններից անհրաժեշտ հավանությունը՝ չնայած ներկայացված բազմաթիվ նախագծերին:

5 տարի առաջ, երբ սկսեցինք այս ծրագիրը, մանկական երկաթուղու վերականգնման հետ կապված շատ հույսեր կային։ «ՌԻԴ» ընկերությունը լի էր վճռականությամբ և ոգևորությամբ՝ ձեռք բերելով կառավարող ընկերության բաժնետոմսերի 60%-ը։ Բայց այս տարիների ընթացքում, չնայած լավագույն ջանքերին, մենք չկարողացանք համաձայնության ստանալ և սկսել վերակառուցման գործընթացը, ուստի ստիպված ենք վերադարձնել այդ բաժնետոմսերը:

Մանկական երկաթուղին Երևանում առանձնահատուկ նշանակություն ունի երևանցիների բազմաթիվ սերունդների համար։ Այն եզակի վայր է, որտեղ երեխաներն ու մեծահասակները տասնամյակներ շարունակ վայելել են բնության գեղեցկությունը և ճանապարհորդել մանկական գնացքով:

Բայց վերջին տարիների ընթացքում այն զգալի կորուստներ է կրել և ընկել սարսափելի վիճակի մեջ:

Մանկական երկաթուղու և դրա հարակից պուրակի վերակառուցումը մենք դիտեցինք որպես հնարավորություն՝ վերականգնելու այս բացառիկ վայրի նախկին փառքը և գրավիչ դարձնելու այն նոր սերնդի համար:

Սակայն ստեղծված իրավիճակում, երբ նույնիսկ նման կարևոր նախագծերը, ինչպիսին այս մեկն է, տարիներ շարունակ չեն համաձայնեցվում տեղական իշխանությունների կողմից, մենք ստիպված ենք խոստովանել, որ մեր մեծ նախագիծը վիճակված չէ իրականացնել:

Այսօր մենք տխուր ենք տեսնում, թե ինչպես է ավերակների վերածվում այն այգին, որը ժամանակին երեխաների ուրախության և զվարճանքի վայր էր:

Մենք չենք կարող պատասխանատվություն կրել այս իրավիճակի համար։ Ուստի դիմում ենք Հայաստանի կառավարությանը՝ մեր պատմության անբաժանելի մաս կազմող մանկական երկաթուղին նման անկման մեջ չթողնելու հորդորով:

Հույս ենք հայտնում, որ ապագայում կստեղծվեն առավել բարենպաստ պայմաններ և կհայտնվեն այլ ընկերություններ, որոնք նույն ջանասիրությամբ ու նվիրումով կմոտենան Երևանի մանկական երկաթուղու վերակառուցմանը,» - նշված է հայտարարությունում。